Konvensiya üzrə təlimçi, Esseks Universitetinin hüquq üzrə fəlsəfə doktoru xanım Dr. Marina Lostal Konvensiyanın müddəalarını konkret keyslər üzərindən şərh edərək mədəni mülkiyyət obyektlərinin hərbi hədəf kimi zərər görməsinə dair nümunələri qeyd etmişdir. Həmçinin, münaqişə zamanı gücləndirilmiş mühafizə rejimi, təcrübədə tətbiq edilən təhlükəsizlik tədbirləri, ölkələr arasında qarşılıqlı qorunma razılaşmaları haqqında bəhs etmişdir.

Təlim kursunda Azərbaycan Respublikasının Xarici İşlər Nazirliyinin, Müdafiə Nazirliyinin, Baş Prokurorluğunun, Mədəniyyət Nazirliyinin, Dövlət Turizm Agentliyinin, Dövlət Şəhərsalma və Arxitektura Komitəsinin, Azərbaycan Respublikasının Prezidentinin Qarabağ İqtisadi numayəndəliyinin, “Şuşa” Şəhəri Dövlət Qoruq İdarəsinin, AMEA-nın müvafiq institutlarının, Memarlıq və İnşaat Universitetinin və ADA Universitetinin nümayəndələri iştirak edir.